منتــدى روشنــــة عيـــــــال

قصة الولد والديك (لا يفوتكم )

اذهب الى الأسفل

default قصة الولد والديك (لا يفوتكم )

مُساهمة من طرف نونه في الثلاثاء مايو 19, 2009 9:14 am

هذي قصة الولد والديكـ

اتمنى انكم تستانسون معها


كان فيه ولد ( مطفر ماعنده ريال ) المهم راح الولد لابوه
وقاله يبه ابي 15 ريال اشتري كوره قاله ابوه اقولك تقلع
لاقلع ضروسك هذي تراها قافله معي والاخلاق صفر


الولد : تكفى يبه بس 15 ريال ولا اقولك خلها عشره
الاب : ماتفهم الكلام انت ماعندي رح بع الديك حقك المريض



الولد : بس هذا مريض ومنتف ما احد بيشتريه
الاب : دبر نفسك مالي شغل فيك يالله انقلع


راح الولد للحوش وخذا الديك واول ماطلع قابل ابوه
قاله يبه تشتري الديك؟
قاله ابوه اقول ضف وجهك لا ترفس في بطنك



الولد : خلاص خلاص لا تنفخ طيب
طلع الولد عشان يبيع الديك وكل ما حصل احد
من عيال الحاره قاله تشتري المهم مافيه امل احد
يشتري الديك قال الولد والله فكره
مالي الا فلانه عقلها خفيف وبلعب عليها


طبعا فلانه هذي متزوجه وكانت رايحه فيها
وتلعب بذيلها من ورى زوجها





راح الولد عشان يبيع الديك عليها

الولد : تشترين الديك ؟
الحرمه : هلا والله حبيبي تعال اقرب اعطيك بوسه خفيفه




الولد : اقول ماني بـ فاضي لك ،، اشتري مني الديك
وخليني اروح
الحرمه : تروح فين ياعمري!!! انا ماصدقت شفت لي
رجال عندي في البيت



الولد : ومن قالك اني رجال ؟ اشتري مني الديك وخليني انقلع



شوي الا والباب يدق خافت الحرمه وقالت تعال اندس هنا لايكون
هذا زوجي ثم نروح فيها


حطت الولد في الدولاب وراحت تفتح الباب الا وطلع صديقها
اللي يجيها من ورى مايدري زوجها


الحرمه : هلا والله بعمري وحياتي
الرجال : هلا فيك ياعمري ولا امداه يكمل كلامه الا والباب
مره ثانيه يدق

الحرمه : ياويلي ويلاه،،، هذا شكله زوجي،،، تعال اندس في الدولاب


دخل الرجال في الدولاب وفي عز الهدوء والظلام سمع صوت يكلمه




يقول : تشتري الديك ؟؟؟

الرجال : اصصصصصصص اصصصصصصصصصه!!!!
رخ صوتك الله يرحم والديك لاتفضحنا،،



الولد : اقول تشتري الديك؟
الرجال : خلاص خلاص بشتري الديك بس قصر صوتك




الولد بصوت خفيف : طيب
الرجال : بكم تبيعه ؟؟



الولد : بـ 100 ريال
الرجال : ايش !!!!!!!!!! الديك المنتف المريض هذا بـ 100 ريال !!!!!



الولد بصوت عالي : تشتري ولا لا؟
الرجال : خلاص خلاص بشتري بس وط صوتك



بعد خمس دقايق،،،،،،،

الولد : تبيع الديك ؟
الرجال : توك بايعه على يا ابن الحلال!!!!!



الولد : تبيع ولا ارفع صوتي ؟
الرجال : خلاص ببيع ،،، بكم تشتريه؟



الولد : بريال
الرجال : ايش!!بريال!!! انا مشتريه منك بـ100 ريال
وانت تبي تشتريه بريال!!!!!!!



الولد : تبيع ولا ارفع صوتي؟
الرجال : لا خلاص ببيعه لك



بعد خمس دقايق،،،،،

الولد : تشتري الديك؟
الرجال : لا حووول توي مشتريه منك بـ 100 ريال




الولد : تشتري ولا ارفع صوتي؟
الرجال : لا خلاص بشتريه بكم تبيعه؟



الولد : بـ 200 ريال
الرجال : تبي افحط على وجهك الحين،،توني مشتريه
منك بـ 100 ريال!!!!!!!!




الولد : تبي تشتري ولا ارفع صوتي؟
الرجال : طيب طيب بشتريه خلاص



بعد خمس دقايق،،،،،،

الولد : تبيع الديك؟
الرجال : انا لله.......بكم تشتري؟




الولد : بريال
الرجال : وش تبيني اسوي!!؟ تبيني ابكي ولا اشقق
هدومي ،،، خلاص خذ الديك وبلاش تمام كذا



شوي الا والحرمه فاتحه عليهم الدولاب وقلتلهم
يالله اشردو انحاشو بسرعه دام ان زوجي باقي في الحمام
بس واحد ورى الثاني وبشويش عشان مايحس فيكم



طلع الرجال وانحاش وطلع الولد بعده بخمس دقايق


وراح الولد يتمشى ومر على البقاله واخذ له بارد ومستانس
صار معه فلوس والديك باقي معه


وبعدين راح البيت واول مادخل البيت حصل ابوه قدامه







الولد : تشتري الديك ؟؟؟؟



الاب يناظر فيه والشرار يتطاير من عيونه

وقاله : مايكفيك يا ابن (......؟؟)


الـ 300 ريال


اللي لطشتها مني في الدولاب!!!!!!!!!!!!!!!





lol! lol! lol!
avatar
نونه
مراقب
مراقب

انثى عدد المساهمات : 4611
نقاط : 7758
تاريخ التسجيل : 18/05/2009
العمل/الترفيه : *الأرزاق على باب الله *

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: قصة الولد والديك (لا يفوتكم )

مُساهمة من طرف حنونه في الأربعاء مايو 20, 2009 4:45 pm




ابنعم طويلة بس ضحكتنى ههههه


lol! lol!


avatar
حنونه
مديرة
مديرة

انثى عدد المساهمات : 1557
نقاط : 2648
تاريخ التسجيل : 18/05/2009
العمل/الترفيه : نت وبرامج

معاينة صفحة البيانات الشخصي للعضو http://rawshanet3eyal.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى