يعنى ايه كلمة صحوبيه ..........؟

يعني ايه كلمة صحوبية ؟!

يعني بنوتة جميلة تروح ضحية ..

شاب طايش مش متحمل مسوؤليه
.........
يعني دنيا جميله رومانسية ..

يعني كلمة حنونة بس مش شرعية

...يعني ايه كلمة صحوبية ؟!

يعني وردة من حبيبي .. بس شوكها كله أذية

يعني ايه كان جنبي امبارح .. بس بكرة هيغدر بيا

يعني ايه كلمة صحوبية ؟!

يعني فترة و بيقضيها .. لعبة حلوة بيتسلى بيها

ولو هيتكلم جد خطوبة او جواز .. مش هيبقى هى !!

يعني ايه كلمة صحوبية ؟!

يعني اضيع عمري و أكسر قلبي ..

على واحد ميستهلش الحنية

يعني ربي يغضب مني .. يعني اهلي هانوا عليا

عرفتي بقى معني كلمة صحوبية !!

فوقي لنفسك قبل ما بكرة تكوني ضحية

ولو غلطي مرة عادي ..

كلنا بنغلط عشان نتعلم و نصلح جوانا النية

ادعي ربنا يرضى عنك .. ويهون عليكي ايامك الجاية

لحد ما يجي فارس حلمك .. وتعيشي في بيته متهنية

هي دي اخلاقي .. هو ده ديني

مخليني جوهرة غاليه و بيكرم فيا

عمر ما كان ديني بيخنقني .. ولا كان قصده يظلم فيا

ربي اختار لي تاج العفة و الشرف .. و ده من حبه و كرمه عليا

عايزة اقوم و اقول للعالم .. لأ من قلبي للصحوبية

والله ياساندى ربنا خلق فينا العقل والمفروض البنت تكون عندها عقل وترفض وتميز بقى وبيكون عليها الغلط بردو انا عارفه انهم ضمائرهم ميته ولكن هانعمل لهم ايه اذا كانو لا يخافو الله علينا نستوعب ونتعظ

موضوووع مميز وانتى فى قمة التميز دائما ماشاء الله عليكى بارك الله فيكى واتمنى ضمائرهم تصحى ويخافو الله