اماكن سياحيه وترفهيه فى مصر + مدن الملاهى فى مصر+عندك أولاد و عايزة تفسحيهم و يتمتعوا و يفرحوا و انتي معاهم ..تعالي و شوفي تفسحيهم فين

من طرف **نونه** الثلاثاء مايو 25, 2010 10:46 am

السلام عليكم

كل اللي عندها أولاد صغيرين ... بتفكر كتير حتوديهم فين .. مكان يلعبوا و يفرحوا فيه و يفرغوا فيه طاقتهم و يتمتعوا , حتى الزائرات لمصر من الجاليات العربية و يرافقها أولادها بيكون همها الأول حتفسح الأولاد فيييييييين في مصر ..

و عشان كده جمعت أكبر عدد ممكن من التقارير عن أحسن الأماكن اللي أولادنا ممكن يتمتعوا فيها و ينبسطوا و تكون أيام جميله في حياتهم لا تنسى بإذن الله تعالى ...

كالعاده التقارير مجمعة من أكثر من موضوع عشان يبقى مرجع لينا كلنا .......بس برضو رفعت الصور في منتدى الفراشة عشان تنزل بسرعة و ابقوا إصبروا عليها شوية لما تتحمل عشان حتعجبكم بإذن الله ................و في بعض الصور ملقيتهاش و دورت عليها في النت و لقيتها و الحمد لله .........و كل الشكر للأخت رورو من أحد المنتديات لأني أستعنت بموضوع لها في أجزاء من موضوعي ده ..

تعالو نتفسح و ف نفس الوقت نفسح أولادنا و يقضوا أحسن و أجمل وقت في الأماكن التالية :

1- طبعا مدينة الملاهي زي دريم لاند \ ماجيك لاند في مدينة الانتاج الإعلامي

2- مدينة الملاهي المائية زي أكوا بارك و كريزي ووتر

3- السيرك القومي المصري

4- مسرح العرائس

5- حديقة الحيوان و سفاري أفريكا .

6- فجنون ( و دي فكرة جديدة جميييله جدا تعتمد على إستغلال و تنمية مهارات ولادنا )

7- القرية الفرعونية \ قرية الأسد \ قرية أجياد الفروسية

8- بانوراما اكتوبر

9- حديقة الأزهر \الحديقة الدولية \حديقة المريلاند \ حديقة الفسطاط

الموضوع ده فعلا تعبني أوي ... من رفع للصور و تجميع بيانات .. و يا ريت اللي يعجبها موضوعي تدعي بس إن ربنا يرحم أمواتنا و أموات المسلمين ... و يغفر للمؤمنين و المؤمنات الإحياء منهم و الأموات .....أمانه

تعالو نشوف سوا الأماكن دي ................

من طرف **نونه** الثلاثاء مايو 25, 2010 10:47 am

1- مدن الملاهي

طبعا هي كتير في مصر و في منها مدينة السندباد ودي تقريبا أول ملاهي اسمع عنها في مصر بس صغيره شوية و جيرو لاند , بس هنا حتكلم عن اشهر مدينتين ...

1-1 دريم بارك

طبعا أشهر من نار على علم للكبار و للصغيرين , للمصريين و العرب , بس حبيت أجمع لها بعض الصور من على النت خصوصا إن صورها نادرة جدا ...

مدينة ملاهي أقل ما يقال فيها إنها رااااااااااااااااااااااائعة بمعني الكلمة ,كبيرة و مقسمة لمناطق و مليئه بالمحال و المطاعم و الألعاب الرائعة

من غير كلام كتير تعالو نتفرج على الصور سوا

أحباب النهر الثائر اللي مش بيخافوا تتبل هدومهم

و التوب سبين ...

القطار الرهيييييييب ...

و دي بأه أسهل كتير

اللعبة دي جديدة لسة , كتير مننا مجربوهاش

و دي النهر الثائر .. هادية و عائلية

و دي . يا سااااتر .....

و اللعب التقليدية ...موجوده برضو

و الكوندور ... روووووووعة

العربيات طبعا

و دي مش كل اللعب ... دي يا دووووب بعض من اللعب اللي فيها

القطار الهادي مثلا ..

دوامة قيصر .... للي مبيدوخوش

طب و الصغيرين ... ليهم منطقه خاصة بيهم و لعب صغيره على أدهم

المدينة نفسها ,,, جميييييله جميييله بجد

صدقوني يا جماعة ولادكم حيستمتعوا جداااااا جدا في دريم لاند و حيبقى يوم ميتنسيش ,, بس أوعوا تروحوا في العيد .. أوعوا حتكون زحمة فوق الوصف

من طرف **نونه** الثلاثاء مايو 25, 2010 10:49 am

1-2 ماجيك لاند ( مدينة الإنتاج الإعلامي )

تقع مدينة الانتاج في مدينة 6 أكتوبر وقريبة من دريم بارك
تفتح من الساعة 10 صباحا وحتى الساعة 11
رسوم الدخول 40 جنية للفرد
والتذكرة شاملة جولة في مدينة الانتاج بالإضافه الى الدخول مجاني لعدد 7 ألعاب منها عرض الدولفين والديناصورات والفار السحري والنهر السريع والأنناسه وعلى فكرة فيه ألعاب ثانية .. والتذاكر عند شباك كل لعبة

وتعد مدينة الإنتاج الإعلامي المصرية من اكبر المدن الإنتاجية في الشرق الأوسط، والمدينة مصممة على طراز المدن الإنتاجية العالمية، باستوديوهاتها الفارهة، والمدن والقرى المصممة بأسلوب فني عال المستوى.

فيطوف قطار مصمم على الطراز القديم بالزائرين في أحياء مصر القديمة والحديثة، متنقلا بين أحقاب ‏مختلفة شكلت تاريخ مصر العريق،
فمن القاهرة الفاطمية القديمة إلى الإسكندرية الساحلية ، إلى المناطق الشعبية في زمن تاريخي ربما ‏ ‏يعود إلى الثلاثينات أو الأربعينات‏، وتحملك المدينة إلى القصور الملكية للملك فارووق، والى الفيوم والصعيد بثرائهما الزراعي.

تمثيل لمدينة شرم الشيخ

ويطالع الزائر وهو في جولته على متن القطار مقهى مميز، مبني من سعف النخيل والخشب، على طراز المقاهي المصرية الشعبية، وحين تدخل إلى المقهى تجد مساحة فسيحة، صممت على طراز قديم، ويستخدم المطعم للتصوير، إضافة إلى انه يعد نقطة استراحة للزائرين والفنانين على حد سواء.

ويعد القسم الترفيهي "الماجيك لاند" من أكثر الأقسام التي تحقق أرباحا كبيرة بالمدينة حيث ‏‏أنها أكبر مدينة ترفيهية عائلية بالشرق الأوسط، وتستخدم في الترفيه والتثقيف،

ففي المدينة الترفيهية يمكنك مشاهدة جزيرة الديناصورات والغابات، والنهر السريع، والركوب على الزوارق المائية والملاهي، فضلا عن عرض الدلافين المميز والذي يعد تجربة فريدة من نوعها.

الفار السحري

سباق السيارات

النهر السريع

عروض الدولفين و كلب البحر

الديناصورات

و مش حتلاقوها زحمة ... زي دريم بارك ... مش عارفة لية .. يمكن عشان الألعاب في دريم بارك أكتر ,, أو الشباب بيفضلوا دريم بارك لمزيد من المرح ... يعني هادياااااااا و عائلية ..

برضو إلا في الأعياد ...

من طرف **نونه** الثلاثاء مايو 25, 2010 10:50 am

2- مدن الملاهي المائية

2-1 أكوا بارك

تقع ملاهي أكوابارك على طريق مصر الاسماعلية
تفتح أبوابها في تمام الساعة 10 صباحاً وحتى العاشرة مساءً
أما آخر وقت للسباحة فيكون الساعة 8 مساء لأن بعد المغرب يبرد الجو

الرسوم :
الكبار : 49 جنية
والصغار : 32 جنية

وممكن تكون الأسعار غليت طبعا عن كده دلوقتي ... و الأسعار المفروض شامله وجبه الغداء

تقييمي للمكان 10/10

من أجمل وأفضل الملاهي المائية المصرية على الإطلاق

*****************

2-2 كريزي ووتر

تقع قرب هايبر وان في مصر الشيخ زايد

وبصراحة هي تقع في المستوى الثاني بعد أكوا بارك بالنسبة للملاهي المائية وهي ايضا بمنطقة 6 أكتوبر
تفتح من الساعة 10 صباحاً إلى 1 من منتصف الليل .. ماعدا أحواض السباحة تقفل الساعة 7.30 مساءً .. مع أذان المغرب

من طرف **نونه** الثلاثاء مايو 25, 2010 10:51 am

3- السيرك القومي المصري

طبعا ...هو مش في نفس مستوى السيرك الأجنبي أو العالمي .. بس الأطفال حيتمتعوا هناك جدا و حينبسطوا هناك اوي

طبعا هو في العجوزة .. و هو معروف جدا جدا هناك

التذكرة تقريبا ب 60 جنيه للفرد .. و فعلا تجربة حلوة أوي للأطفال ....

نصيحة لكل اللي عندها أطفال ... حينبسطوا في السيرك أوي أوي أوي ... و حتشوفي بإذن الله .

من طرف **نونه** الثلاثاء مايو 25, 2010 10:52 am

4-مسرح العرائس

مين فينا يقدر ينسى الليله الكبيرة .. و لا مسرحية حسن الصياد و لا الأميرة و التنين و لا ولا و لا ....

مسرحيات غااااية في المتعة ... و التسلية و الفايده للإطفال .. كلنا فاكرين المسرحيات دي حتى اللي مرحش مسرح العرايس و هو صغير أكيد شافها في التلفزيون في برامج الأطفال ...

و طبعا مسرح العرائس في العتبة بجوار المسرح القومي

الأسعار رخيصة أعتقد لا تزيد عن عشرة جنيهات للفرد .. و بيبقى و قت جميل وممتع و مفيد لأطفالنا

بس قبل ما نروح لازم نتأكد من مواعيد العروض .......و رقم التليفون أهو

25918367

من طرف **نونه** الثلاثاء مايو 25, 2010 10:53 am

5- حديقة الحيوانات و سفاري أفريكا

5-1 حديقة الحيوانات بالجيزة

طبعا من أحلى الخروجات اللي بيحبوها الأطفال كلهم بلا استثناء .. و رغم إنها محتاجة مزيد من الإهتمام إلا إنها فسحة جميلة جدا جدا بجد , أنواع مختلفة و متنوعة من الحيوانات و أندر أنواع الأشجار في القاهرة كلها و بعضها عمره وصل ل 100 سنة و اكتر ...

طبعا في موضوع هنا جميييل أوي عاملاه زهرة أوركيدا عن حديقة الحيوانات و الرابط بتاعه أهو

]https://rawshanet3eyal.yoo7.com/montada-f7/topic-t1662.htm#5273

و دي مزيد من الصور لحديقة الحيوانات ....

و برضو الجنينة نفسها حلوة وواسعة و مليانه أشجار و بحيرات جميلة .......الأولاد حينبسطوا جري و لعب و فرجه على الحيوانات

https://rawshanet3eyal.yoo7.com/montada-f7/topic-t1662.htm#5273

متعة ما بعدها متعة للإطفال و الكبار أيضا ... و خصوصا لما الأولاد يأكلوا الحيوانات بايديهم بيبقوا حيطيروا من الفرحة

روحوها انتو بس و حتدعولي ......بس برضو مش في الأعياد لحسن تدعوا عليا ....

من طرف **نونه** الثلاثاء مايو 25, 2010 10:55 am

5-2 سفاري أفريكا

و دي بصراحة أول مرة أعرف إنها موجوده في مصر أصلا .....

يعني غابات مفتوحة فيها حيوانات من غير قفص كده صعب عليا أتصورها في مصر .. بس لقيت تقرير حلو عنها أوي وواضح إن الأطفال بيفرحوا اكتر كمان لما يشوفوا الحيوانات فيس تو فيس كده و يركبوا عليها و يشوفها من غير قفص ....

أسيبكم مع التقرير...

وهي رحلة سفاري والكثير من أهل مصر حتى لايعرفوها

تتنقل بها بسيارتك داخل الغابة

و سعر دخول السيارة الصغيرة 150 جنيه والسيارة الكبيرة 300 جنيه

وطريقها هو طريق الأسكندرية النازل للقاهرة على بعد تقريباً 100 كيلو من الإسكندرية

وعلى بعد تقريباً 180 كلم عن القاهرة

وتبعد من مفرق مارينا في خط الإسكندرية حوالي 70 كلم

الحديقة من الداخل ....

و طبعا لكل حيوان حارس عشان متحصلشي حوادث ..

و هنا محدش ينزل من عربيته

و القرود و هجوم على العربيات

و جوله بالمركب ........

ثم إلى كهف الزواحف ...

بعدها الصعود لتناول الغداء

من طرف **نونه** الثلاثاء مايو 25, 2010 10:58 am

6- فجنون

و برضو القرية دي أول مرة أسمع عنها من المنتديات السياحية

الفكرة روووووووووووووووووعة بصراحة بجد حلوة جدا جدا ...

برضو أسيبكم مع التقرير و للأمانه صاحبته إسمها أم الخير و لديها أطفال و إستمتعوا جدا في القرية فكتبت عنه هذا التقرير الممتع

فجنون احد الأماكن النادرة فى مصر حيث يمكن للأطفال و الآباء اخذ راحة و قضاء وقت لاينسى بعيدا عن ضوضاء و تلوث المدينة وكلمة فجنون هى مزيج من كلمتين ممتعتين هما فنون و جنون انه مكان للعائلة للعب و للجرى والرسم والتلوين.. و ايضا باقة من الحرف الرائعة تتضمن ( الطباعة , الفخار , الخشب , الحديد , السجاد) و اشياء كثيرة اخرى .

فجنون انشأت عن طريق الأستاذ الفنان / محمد علام
وهو فنان مؤمن برؤيه أن يكون هناك مجتمع مثالى و حريه التعبير عن الرأى مع احترام البيئه المحيطة و احترام كل ما فيها .
ومؤمن بإتاحة مكان للأطفال لإعطائهم الفرصة لحرية التفكير بدون التوجيهات التدريبية المعتادة مما يعطى للطفل تفكير صحى يدفعهم الى اكتشاف مواهبهم و ابداعتهم . و هو ايضا" مؤمن ان اطفال هذا الجيل مشغولين بكثرة مع جداولهم الدراسية الممتلئة و لا يوجد عندهم الفرصة للتعبير عن نفسهم بحرية.

اختار علام فريق العمل بدقة . كل عضو فى الفريق يجب ان يكون ودود و موهوب و متعاون كما يجب ان يكون خبير فى التعامل مع الأطفال . معظم الأطفال يعرفونهم بأسمائهم المستعارة و ايضا" الزائرين لهم حرية عمل ما يريدون .. و ان احتاجوا لأى مساعدة يمكنهم الإستعانة بأحد افراد الفريق فى اى وقت

وفى السنوات الأخيرة أصبحت فجنون من الأماكن المصرية الرائعة البسيطة للأطفال و للكبار. المصريين و غير المصريين وأصبحت ايضا من الأماكن التى يمكن للفرد أن يعبر بحرية عن نفسه ويطور الأثنين معا" الفن ومواهب الإبداع .

أعطى الحرية الكاملة للأطفال لاختيار ما يريدون أن يفعلوا من اعمال متوفرة فى فجنون. يمكنهم التلوين على الحائط أو اللعب فى الطين أو الإستمتاع بحرية أتساع المكان . ملعب الأطفال يتيح لهم الفرصة للتحرك بحرية دون الوقوع فى متاعب .
هناك أيضا بارات التسلق للعب الأطفال و بيت أخضر صغير . الأطفال يمكن أن يختارو بين الركوب على ظهر الخيل أو الحمار أو الجمل .

العائلات يجوز لها أن تحضر طعامهم و شرابهم الخاص للنزهة و يمكنهم أيضا شراء الفطير بالعسل أو الجبنة . و من ناحية أخرى يمكن للأباء أن يجربوا عمل العيش فى أفران تقليدية وبعد ذلك يستمتعوا بهذا العيش الطازج.

يوجد دورات تدريبية و تعليمية فى جميع الأنشطة .. تكلفة الكورس 400 جنيه مصرى لمده 12 حصة ومدة الحصه 3 ساعات من حق المتدرب ان يأخذ أعماله ماعدا النجارة و الحداده بالإتفاق .

انواع الدورات:

طباعة , فخار , نجارة , حداده , زراعة , سجاد , رسم ...

المواعيد:

كل أيام السنة من 9 صباحا" الى 6.30 مساء" صيفا" , من 9 صباحا" الى 5 مساء" شتاء"

الأسعار بعد الأتصال بهم :

40 جنية للطفل ومعة 2 من الكبار مجانى سواء كان والدية أو أحد أخر ولو زاد أى فرد أخر يدفع 15 جنية

فجنون مفتوح يوميا" من الصباح و حتى غروب الشمس.

للوصول الى فجنون عن طريق شارع الهرم ننعطف فى طريق ترعة المريوطية بإتجاه سقاره على بعد 12.5 كيلومتر من ترعة المريوطية يمكن استخدام المواصلات العامة عن طريق استخدام ميكروباص بإتجاه سقارة و اطلب من السائق ان يوصلك الىسبيل ام هاشم و اذا كنت قادم عن طريق المنيب " الطريق الدائرى" يمكن استخدام مخرج البدرشين المريوطية فقط 9.5 كيلومتر الى فجنون .

العنوان :
طريق سقارة - سبيل ام هاشم - جيزه - مصر
هاتف : 38151633

لذا توكلنا على الله وذهبنا لإستكشافه

للمعلومية الدخول لفجنون مجاناً والرسوم يدفعها من سيشارك في الأعمال الفنية فقط

أول مادخلنا استقبلتنا مباشرة المساعدة التي سترافقنا في رحلتنا

وأخذتنا جميعاً مباشرة لأول مرحلة مع الجنون وهي الصعود على هذه الخشبة والتمرجح بها وتحريكها يميناً ويساراً بالأقدام مع محاولة الحفاظ على التوازن لكي لا نقع

ثم هذه المرجيحة بالحبال و التي تظل تلف ... منتهى المرح

و تسلق الحبال

و الأشجار

و قليل من الراحة

مكان اللعب بعد إنصراف الأولاد للمرحلة التالية

ثم أخذتناالمشرفة لتخيرنا من هذه اللوحة عن نوع الأعمال التي يحب الأطفال عملها ....والكبار أيضاَ

ويتم اختيار عملين لكل شخص ليقوم بهما بمبلغ 40 جنيه ومن يريد عمل إضافي يضيف 15 جنيه لكل عمل
وأختار الأولاد جميعاً عمل الفخار فأخذناهم إلى مكان عمل الفخار
هنا

و يقوم العامل بتعليمهم كيفية صنع الفخار بطريقة بسيطة

وهذه منتوجاتهم بعضها من صنع أيديهم وبعضها من صنع العامل

((وللمعلومية كل مايقومون بعمله سواء بأنفسهم أو مايعلمه لهم العامل من اعمال سيأخذونها معهم ))

وهذا ماأخذناه من الفخار

ثم تأتي مرحلة اللعب بالطين لمن يحب ...

التنظيف بعد اللعب

و بعد تنظيف الملابس اللعب بأكياس الماء و يشترك فيها الكبار و الصغار

ثم الإنتقال للورشة الفنية حيث يتم الإختيار بين الحفر على الخشب أو التلوين و الرسم أو نشاطات اخرى

ورشة الإعمال

عمل الإكسسوارات اليدوية الجميلة ...

( أنا ممكن آخد فيها دروس دي )

بصراحة الفكرة فعلا هايلة و بتخرج الطاقات اللي جوه ولادنا و بتخليهم يلعبوا بحرية و يبدعوا .. بإذن الله لازم أجرب القرية دي لو كان في العمر بقية

من طرف **نونه** الثلاثاء مايو 25, 2010 11:00 am

7- القرية الفرعونية \ قرية الأسد \ أجياد الفروسية

1-7 القرية الفرعونية

برضو من الأماكن اللي ولادنا حيستمتعوا فيها جدا .بالذات المصريين أو اللي غاويين تاريخ و معرفة بالحضارة المصربة القديمة ...

مش حقدر هنا إضيف جديد لان في موضوع جميل عاملاه سوسو و لوسي عن القرية الفرعونيه و الرابط أهو

بجد من الأماكن اللي بيستمتع فيها الأطفال جدا في مصر

**************************

2-7 قرية الأسد

مرحتهاش قبل كده بصراحة بس لما شفت الموقع الإليكتروني بتاعها حسيت إنها برضو تجربة حلوة , وبالذات لمحبي الأكل المصري الأصيل زي الفطير المشلتت و العسل و محبي لحم و بيض النعام و الطواجن و المحاشي.....

و الأولاد هناك بينطلقوا عشان في هناك حديقة الحيوانات الصغيرة .......و السيرك الصغير......و عرض الخيول الجميل و المساحات الواسعة للعب و التسلية و غيرها

يا ريت تلقوا نظرة على الموقع الإليكتروني بتاع القرية

.:: Lion Village : Come & Feel The Magic ::.

و شوية صور للمطعم و حديقة الحيوانات من على النت

أعتقد إنها تجربة جميلة على كل حال ...

من طرف **نونه** الثلاثاء مايو 25, 2010 11:01 am

3-7 قرية أجياد الفروسية

القرية دي قائمة على فكرة ( السباحة - الرماية و ركوب الخيل ) كما جاء عن سيدنا عمر بن الخطاب رضي الله عنه ....

برضو أول مرة أسمع عن قرية متخصصة بتعلم الولاد ركوب الخيل و فيها أماكن للسباحة و الرماية للأولاد على طراز بدوي جميل .. بصراحة فعلا فكرة جميله

صاحبة التقرير هي برضو أم الخير ,, و هي فعلا أم الخير ما شاء الله بتعرف إزاي تفسح ولادها في أماكن ممتعه و مفيده في نفس الوقت ربنا يبارك لها فيهم يا رب

أسيبكم مع التقرير

وموقعه طريق 6أكتوبر في نهاية مباني مشروع زايد تلف جهة اليمين وتمشي مسافة حتى ترى الموقع على يسارك

وستجد اللوحات الإرشادية التي تدلك على الطريق

والدخول إليه مجاناً ولكن الرسوم لكل من يريد السباحة أو ركوب الخيل أو الرماية

ويوجد به أيضاً دورات لتعلم ركوب الخيل

وبه كشافة بحيث يأخذوا الأطفال للمبيت معهم بنظام الكشافة لمدة خمسة أيام

المدخل

بعد الإستقبال تجد أمامك هذه الصالة الكبيرة وأثاثها على الطراز البدوي الرائع

وهي مخصصة لمن يريد الجلوس فيها لقضاء اليوم مجاناً دون أن يستأجر غرفة

ركن الأعمال اليدوية الجميلة

القرية من الداخل

المصلي

و يلعب الأطفال كما بدا لهم قبل الذهاب للغرف لمن قام بتأجير واحده

الغرفة ذات طراز بدوي جميل

ثم الذهاب للسباحة

منتهى الخصوصية فالقرية ليست مذدحمة

وللعلم يوجد أمام المسبح في نهاية الدرج قبل الصعود حمامات وأماكن لتغيير ملابس السباحة لمن لم يستأجر غرفة

وخلف المسبح يوجد ملعب لكرة القدم وملعب لكرة الطائرة والمبني الذي بجانبه هو غرفة الرماية

وبعد السباحة عدنا لغرفتنا ليستحم ابنائنا ويبدلون ملابسهم ولتناول الغذاء

غذائنا (مكرونة + شيش طاووق + دجاج بانيه) ولاحظوا نظافة الأكل كل شيء مغلف بالنايلون حتى الأطباق الفارغة

ثم بعد الغداء إلى إستطبلات الخيول

و ركوب خيل حتى المغرب و نحن نشاهدهم و نشرب الشاي

وبعد صلاة المغرب كنّا قد تعرفنا عند الخيل على العائلة المصرية وهما أختنا ومعهما أزواجهم وجلسنا معهم وانبسطنا في الجلوس

والأولاد ذهبوا لغرفة الرماية

والمفروض ان المكان يغلق الساعة التاسعة مساء

ولكن الجلسة الحلوة في الصالة الكبيرة جعلتنا نجلس إلى الساعة العاشرة والربع وحتى بعض العاملون جلسوا معهم في الجلسة

وحضرت ثلاث عوائل من المعارف للقاهرة وأخبرناهم عن المكان وذهبوا إليه سوياً

وقالوا انهم انبسطوا لدرجة لاتوصف ولم يكن هناك غيرهم في المكان حتى انهم لم يضطروا لإستئجار غرف

بل احضروا معهم الشاي والقهوة وجلسوا في المسطحات الخضراء والرجال في الصالة الكبيرة

ومن كثر الإنبساط قرروا العودة إليه مرة أخرى في وقت لاحق بإذن الله

من طرف **نونه** الثلاثاء مايو 25, 2010 11:02 am

8- بانوراما حرب إكتوبر

طبعا دي متعة و تثقيف للكبار و الصغار على حد سواء .. للمصريين كلهم بلا إستثناء و أيضا للعرب المهتمين بالصراع الأبدي مع الصهاينة و بمعرفة تفاصيل هذه الحرب المجيده ... لعلها تتكرر و ينتصر العرب عن قريب يااااااااااااارب ....

بانوراما حرب اكتوبر مبنى اسطواني الشكل جميل جدا يعرض فيه احداث حرب اكتوبر بطريقة جميلة جدا وهناك اول ما تدخل يحطوك تصور لحد ما يكتمل عدد صلات العرض وفيه بعض المحلات بالخارج ممكن تشتري منها صور المشاهير او اللاعبين وممكن تتصور بملابس عسكرية وملابس الباشا
الدخول ب 8 جنية للشخص و2 جنية عن كاميرا الفوتو غرافية

بالنسبة للعروض هناك ثلاث عروض كل عرض يتم في قاعة منفصلة وكل قاعة تشيل اكثر من 30 شخص تقريبا العرض الاول فلم وثائقي عن حرب اكتوبر جميل

والعرض الثاني يعرض فيه الصواريخ والدبابات بمجسمات صغيرة والعرض مش بطال

اما العرض الثالث فهو اجملها يتم الصعود الى اعلى المبنى الاسطواني والجلوس في كراسي على شكل حلقة دائرية تدورحول مجسمات الحرب وهذا بصراحة اجمل العروض

من طرف **نونه** الثلاثاء مايو 25, 2010 11:04 am

9- الحدائق

1-9 حديقة الأزهر

الأولاد محتاجين مساحات خضرا واسعة يلعبوا فيها .. و في القاهرة مفيش أوسع من حديقة الأزهر أو الأزهر بارك ... و في موضوع عن حديقة الأزهر بالتفصيل و الصور

و في في الحديقة مراجيح و العاب أطفال جمييييلة و كلها جميله بصراحة الخضرة و الألعاب و البحيرة و المطاعم .... روعة بجد

و نصيحة لكل من في القاهرة .... ضروري تروح حديقة الأزهر

******************************************

2-9 حديقة الفسطاط

... طبعا في حدائق تانيبة كتير زي حديقة الفسطاط و هي برضو جميلة جدا و فيها مراجيح للإولاد و أماكن للعب و الجري و إسعارها رخيييصة فعلا و لكنها أقل إتساعا و جمالا من حديقة الأزهر

********************************************

3-9 الحديقة الدولية

طبعا هي في مدينة نصر و هي حديقة مشهورة مخصصة مكان أو جناح لتماثل فيه كل بلد عربية كانت أو أجنبية , حنلاقي جناح للسعودية و الكويت و أمريكا و غيرها و بها مراجيح و أماكن خضراء واسعة و بحيره صناعية و تعتبر مكان جيد للعب الأطفال و لانها واسعة جدا , فبرضو حنلاقي طفطف بيلف الحديقة كلها .......

************************************************** ****************

9-4 حديقة المريلاند

في مصر الجديده و شهيرة جدا , بها العديد من المساحات الخضراء الجمييييله........... و ملاهي صغيرة و حديقة حيوان صغيرة............ و بحيرة صناعية واسعة بها البجع و سائر الطيور و كافيهات جميله و أسعارها معقوله جدا جدا ... و أجمل ما فيها إمكانية تأجير مركب صغير ببدال في البحيرة ... تجربة حلوة جدا ( حتى للكبار )
أعتقد الأولاد برضو حيتمتعوا جدا فيها و كذلك الكبار لان القعده حلوة بجد

و عروض الدولفين ممتعة للكبار والصغار و انا عن نفسي استمتعت بيها جدا ....

الحديقة مقسمة لقسمين .. قسم للمساحات الخضراء و قسم للكافيهات و البحيرة الصناعية والملاهي

يعني فسحوا ولادكم بأه معنكوش حجة .. البلد مليانه جناين حلوة ومساحات خضرا يجروا و يلعبوا ويتنفسوا فيها

اماكن سياحيه وترفهيه فى مصر + مدن الملاهى فى مصر+عندك أولاد و عايزة تفسحيهم و يتمتعوا و يفرحوا و انتي معاهم ..تعالي و شوفي تفسحيهم فين

اماكن سياحيه وترفهيه فى مصر + مدن الملاهى فى مصر+عندك أولاد و عايزة تفسحيهم و يتمتعوا و يفرحوا و انتي معاهم ..تعالي و شوفي تفسحيهم فين

رد: اماكن سياحيه وترفهيه فى مصر + مدن الملاهى فى مصر+عندك أولاد و عايزة تفسحيهم و يتمتعوا و يفرحوا و انتي معاهم ..تعالي و شوفي تفسحيهم فين

رد: اماكن سياحيه وترفهيه فى مصر + مدن الملاهى فى مصر+عندك أولاد و عايزة تفسحيهم و يتمتعوا و يفرحوا و انتي معاهم ..تعالي و شوفي تفسحيهم فين

رد: اماكن سياحيه وترفهيه فى مصر + مدن الملاهى فى مصر+عندك أولاد و عايزة تفسحيهم و يتمتعوا و يفرحوا و انتي معاهم ..تعالي و شوفي تفسحيهم فين

رد: اماكن سياحيه وترفهيه فى مصر + مدن الملاهى فى مصر+عندك أولاد و عايزة تفسحيهم و يتمتعوا و يفرحوا و انتي معاهم ..تعالي و شوفي تفسحيهم فين

رد: اماكن سياحيه وترفهيه فى مصر + مدن الملاهى فى مصر+عندك أولاد و عايزة تفسحيهم و يتمتعوا و يفرحوا و انتي معاهم ..تعالي و شوفي تفسحيهم فين

رد: اماكن سياحيه وترفهيه فى مصر + مدن الملاهى فى مصر+عندك أولاد و عايزة تفسحيهم و يتمتعوا و يفرحوا و انتي معاهم ..تعالي و شوفي تفسحيهم فين

رد: اماكن سياحيه وترفهيه فى مصر + مدن الملاهى فى مصر+عندك أولاد و عايزة تفسحيهم و يتمتعوا و يفرحوا و انتي معاهم ..تعالي و شوفي تفسحيهم فين

رد: اماكن سياحيه وترفهيه فى مصر + مدن الملاهى فى مصر+عندك أولاد و عايزة تفسحيهم و يتمتعوا و يفرحوا و انتي معاهم ..تعالي و شوفي تفسحيهم فين

رد: اماكن سياحيه وترفهيه فى مصر + مدن الملاهى فى مصر+عندك أولاد و عايزة تفسحيهم و يتمتعوا و يفرحوا و انتي معاهم ..تعالي و شوفي تفسحيهم فين

رد: اماكن سياحيه وترفهيه فى مصر + مدن الملاهى فى مصر+عندك أولاد و عايزة تفسحيهم و يتمتعوا و يفرحوا و انتي معاهم ..تعالي و شوفي تفسحيهم فين

رد: اماكن سياحيه وترفهيه فى مصر + مدن الملاهى فى مصر+عندك أولاد و عايزة تفسحيهم و يتمتعوا و يفرحوا و انتي معاهم ..تعالي و شوفي تفسحيهم فين

رد: اماكن سياحيه وترفهيه فى مصر + مدن الملاهى فى مصر+عندك أولاد و عايزة تفسحيهم و يتمتعوا و يفرحوا و انتي معاهم ..تعالي و شوفي تفسحيهم فين