اصعب احساس مر على كل واحد فينا

من طرف **نونه** السبت فبراير 27, 2010 12:52 pm

‎أصعب احساس فالدنيا لما تحس بظلم وقهر وانت ياعينى وحيد فى الدنيا ملكش حد ملكش ضهر
ويوم ماتيجى تتكلم محدش يسمعك ويوم ماتنوى تتقدم تلاقى كله بيرجعك
ويوم ماتلاقى حبيب ترتاحله هو أول واحد..هو أول واحد يخدعك
وعشان انا عادى وابويا كان عادى يبقى حلال فينا الظلم والعذاب
أنا والى زيى ملهوش حد يحس بيه غير ربنا يجبله حقه من اى حد قادر يفرح قلبنا
ويوم ماتلاقى حبيبى ترتاحله هو اول يخدعك ويديك صابونه

الاحساس بالظلم هو اصعب احساس فالدنييا..دى اغنية من البوم تامر الجديد قرب كمان

بجد يا جماعه الراجل دة جميل اوى ..لو كل واحد فينا دقدق كـده فى كلمات الاغنيه دى هيلاقى انها بتعبر عن كل حاجات كتير فى كل واحد فينا

بجد فعلا الظلم دة اصعب احساس فالوجود كله

خصوصا لما تبقى ضحيت عشان الى ظلموك دول بحجات كتير اوى وعشت معاهم اجمل ايام حياتك وادتلهم كتير كتير اوى وخسرت عشانهم كتير

وفى الاخر يظلموك ويبيعوك فى اول محطة زيك زى اى كلب

لما الظلم بيبقى من اقرب الناس ليك بيبقى بجد صعب وصعب اوى كمان

يوم لما تفكر ان الدنيا ممكن تيجى عليك وتظلمك يبقى هما دول السبب اقرب قلوب وناس ليك والمفروض ان كانت قلوبهم عليك .
.وبتبقى صدميتن صدمه الظلم الى حصلك وصدمه الى ظلموك دول

ويوم ماتيجى تتكلم وتقول انك مظلوم وبرىء ولسا باقى عليهم محدش فيهم بيفكر يسمعك غير قليل اوى
لانه بيبقى عارف انه ظالم او مابيبقاش عاوز يحسس نفسه انه ظلم
ودى بقى ساعتها بتبقى حاجة نفسية فيه هوا ..انت عمرك مااخدت بالك منها

واول ما تقول ايوة هو دة هو دة الى هيسمعنى وهيعرف انى مظلوم وهيقف جمبى
لانه عمره ما هيظلمنى دة انا حبيبه تلاقيه هو كمان عليك لانه عمره ما هيخسر الى انت خسرته
فى يوم مالايام عشان خاطره..فكر فى نفسه بس..وهو دة الصح الايام دى

بيبان اوى الظالم مالمظلوم..الا للى الدنيا واخداه وعمياه وقلبه مش موريه اى حاجة

المظلوم بيحاول مرة واتنين وتلاتة انه يثبت ظلمه ونيته..وبعدين بيسكت ويقول الحمدلله ويسيب الباقى على ربه الى عمره ماهيضيع حقه ابدا

ويصمت ويتحمل وياخد ثواب على صبره دة لانه عارف ان ربنا موجود

انما بقى الظالم هيفضل يحاارب طول عمره عشان يطلع هو المظلوم والاقوى وعشان يأذى صوره المظلوم بأى شكل
ويبان هو الملاك..لكن مهما عمل..ربنا ماحدش بيقدر يضحك عليه ابدا
دة هو الى خلقنا كلنا..وفاهم كل واحد فينا

وبتقعد تسأل نفسك ياترى لييه لييه عملوا فيا كدة وظلمونى كل الظلم دة وباعونى بسرعه كدة

هتقعد تفكر للسنة الجاية مش هتلاقى سبب لان الى بيظلم بيظلم من غير سبب ..

الا لو كان بيرد الظلم الى انت ظلمتهوله فى يوم مالايام وبردو ساعتها هيبقى ظالم لانه نسى ان فيه ربنا

ربنا بجد الى قادر يخسف بيهم الارض كل الى ظلمو الا الى تاب ورجع الحق لصاحبه
وبردو هيبقى ليه عقابه عند ربنا مابينساش حق حد

ودة غالبا بيبقى ظلم من الصحاب او الاصدقاء والاحباب والاهل واقرب الناس ليك

اما بقى ظلم الناس القادرة للضعفا الى ملهمش فى الدنيا دى غير ربنا
الى واصليين وفاكرين الدنيا دى كلها ملكهم بالبنى ادمين الى فيها

دة ابشع حاجة بجد فالدنيا ..لما تبقى فى حالك وتلاقى الى جاى بيتبلى عليك لانه قادر ومعاه الى قادرين زيه
بس مفيش حد قادر عن ربنا ربنا قادر عليهم كلهم انه يحرقهم ويعذبهم وياخد حق كل واحد اتظلم

اوعوا حد فيكوا يزعل انه ملهوش ضهر ولا سند فى الدنيا ياخدله حقه ويدافع عنه لما يتظلم

بالعكس دة احسن بكتير واعظم من لما يكون عندك حد كبير وواصل ومهم يقف جمبك وياخد حقك .
.دة انت جمبك الى اقدر واكبر من كل دوول الى خلق الكون دة كله فى 6 ايام الى خلقك وخلق البحر والرض والسما

جمبك ربنا الى قادر يعمل المعجزات ..
لا اله الا انت سبحانك انى كنت من الظالمين

كفاية بس انك لما تحس بظلم تقول الحمدلله الف مرة الحمدلله ..اول ماتفتكر ربنا وتعرف انه ليه حكمه فى دة

حقك هيبقى خلاص محفووظ عنده

سواء بقى اخدته فى الدنيا او فى الاخرة وياسلام لو كان فى الاخرة مضاعف

والله واكبر لو كان ربنا بيحبك وحاسس بظلمك اوى واداك حقك دنيا واخرى اضعاف اضعاف

ويوم ماتللاقى حبيبى ترتاحله ..هو اول بيخدعك ويجرحك ويبعك بأرخص الاتمان..فعلا

اوعى تفتكر ان ربنا ناسيك ..كل ما تصمد ربنا بيزود عقابهم وبيديك اعلى الدرجات عنده عشان صبرك

الكلام دة لكل الأديان لأن ربنا موجود فى كل الاديان سواء مسيحى او مسلم او يهودى

كلنا عارفين ان فيه ربنا وانه اقوى من اى قوة فى الدنيا ..وانه قادر على كل حاجة بس انت قوول ياااااااارب

وشوف ربنا هيعملك ايييه

واوعى تقول دة لييييه ..قول الحمدلله

بجد يا جماعه الاغنيه دى فجرت فى كل واحد فينا احساس كنا كلنا مخبيينه جوانا

ويارب يكون طلع

بجد تامر عبر عننا كلنا زى ما اتعودنا طول عمره انه دايما بيعبر عننا فى الحزن والفرح والحب
والجرح والظلم وكل وقت

فعلا اصعب احساس فى الدنيا لما نحس بظلم وقهر

بس انت مش وحيد فى الدنيا وملكش حد ولا ضهر لا انت معاك الى اكبر من كل دول معاك ربنا

وربنا سامعك وقادر يفرحك وياخددلك حقك ويبين قد ايه انت مظلوم وعالم بنيتك

مش عاوزين ننسى ربنا ولا انه معانا كلنا بس احنا نعرف ان مفيش قوة اكبر منه

ونبقى فاكرينه فى كل وقت بجد لو افتكرناه فى كل وقت مش هنقدر نعمل اى حاجة تغضبه
فى الاخر بقى:
بقول للمظلومين يا بختكم عند ربنا

وبقول للظالمين..حسبيا الله ونعم وكيل ويمهل ولا يهمل ..مهما كان حجم ظلمكم ..عند ربنا بس كدة

انا مش عاوزة اى حد يزعل او يفكر فى اى ظلم حصله فى يوم مالايام

لان بجد يا بخت مين نام مظلوم ومانمش ظالم

واوعوا حد فيكوا يفتكر انه لما يتظلم يبقى ربنا بيكرهه وراضى بظلمه بالعكس ربنا مابيظلمش غير الى بيحبهم
عشان يفوقهم ويفكرهم ان فيه ربنا يلجؤوله فى كل وقت مش لما الدنيا تيجى عليهم بس

بجد الأغنيه دى تامر كان بيغنيها بحرقه لانها فعلا لايقة عليه اوى كل كلمة فيها بيطلعها من قلبه

ربنا يحفظنا ويكرمنا كلنا ويرحمنا برحمته ..

من طرف **فراشة الامال** الأحد فبراير 28, 2010 1:45 pm

هو ربنا شوية

فهو حسبك يانونة

وان سالت لا تسال غير الله

من طرف **نونه** الأحد فبراير 28, 2010 2:34 pm

جميلة وردك دى فراشة صافيه وهاديه اوى وناعمه

بقولك تعالى عوزاكى الان اوك ؟

من طرف **رحمة** الأحد فبراير 28, 2010 9:04 pm

هو صح اصعب احساس

بس انت مش وحيد فى الدنيا وملكش حد ولا ضهر لا انت معاك الى اكبر من كل دول معاك ربنا

اصعب احساس مر على كل واحد فينا 762418

من طرف **نونه** الإثنين مارس 01, 2010 4:25 pm

طبعا الله كل شىء بس القصد من البشر ليس اكثر

ياجميل وينك ليش غايب عنى بس وايش سوينا لك مانشوفك على الاسكايب ولا المنتدى؟؟

من طرف قلب عاااشق الإثنين مارس 01, 2010 4:47 pm

نونه موضوعك جميل لانك جميله وكل واحد بياخذ نصيبه من الدنيا والحياه فيها كذا وفيها كذا

ومن يتكل علي الله يجعل له مخرجا ويرزقه من حيث لا يحتسب

ظهرك ايمانك وقوتك وعزيمتك ورضائك بقدرك بالحياه