الرقاق باللحمه المفرومه

من طرف **نونه** الثلاثاء أغسطس 10, 2010 9:13 pm

النهارده ان شاء الله هقدملكم طريقة عمل صينية الرقاق باللحمه المفرومه و هى طريقه بسيطه و سهله جدا.

المقادير:

لحم مفروم
سمن
ملح
فلفل أسود
بصله كبيره
شوربه ( بفضل شوربة اللحمه)
8 شرائح رقاق
الخطوات :
1- نحضر العصاج : نقطع البصله قطع صغيره أو نبشرها و نقلبها بملعقة سمن على النار حتى تصفر ثم نضيف اللحمه المفرومه و الملح و الفلفل و نقلب حتى تنضج اللحمه المفرومه بشكل متوسط
2- نبلل الرقاق بالشوربه .
3- نحضر صينيه مستديره و ندهنها بالسمن.
4- نبدأ فى وضع 4 رقاقات مبلله بالشوربه الواحده تلو الأخرىز
5- نضع العصاج و نفرده فوق الرقاق فى الصينيه
6- نضع بقية الرقاقات المبلله بالشوربه الواحده تلو الأخرى
7- نضع ملعقة سمن فوق الوش
8- نترك الصينيه فى فرن حامى لغاية الوش ما ياخد لون

ده كده الطريقه العاديه و البسيطه لصينية الرقاق
بس ممكن أن أحنا نغير شويه فيها للتجديد لو حبينا و التغيير ده بيكون فى العصاج يعنى ماتقلقوش من أنكوا تفننوا شويه .

بعض المقترحات:
1- ممكن أضافة زيتون أسود أو أخضر مع اللحمه المفرومه عند تحضير العصاج أو أضافة بعض شرائح الهوت دوج
2- ممكن أضافة بيضه للحمه المفرومه .
3- ممكن نغير اللحمه المفرومه خالص و نحضر مكعبات فراخ مع مشروم مع شرائح رفيعه لفلفل أصفر و أخضر و أحمر و فى الحاله ده يكون أفضل نبلل الرقاق بشوربة فراخ .
طبعا المقترحات ده للى بيحب التجديد فى أكله .
أتمنى أن الطريقه تكون سهله و تعجبكم

من طرف **dl bren** الثلاثاء أغسطس 10, 2010 10:02 pm

شكرا لكي نونة

ع اكلات رمضانية

من طرف **نونه** السبت أغسطس 14, 2010 11:06 am

انا بحب الرقاق جدا واغلبية الشعب المصرى بيحبو

تسلم للمرور انت الوحيد الا شجعتنى الرقاق باللحمه المفرومه 25770

من طرف مروه الإثنين أغسطس 16, 2010 12:51 pm

شكلك كده بتعرفى تطبخى وزواقه كمان من بس مابيحبش الرقاق ده انا اشتهيتوو اوى الان

وكمان صايمه الرقاق باللحمه المفرومه 754262

لازم اعملو ان شاء الله هو عندنا على فكرة بس احنا نشترى البلدى مش الزهار

عارفه انا بحب كمان الجلاش باللحمخ المفرومه وبعرف اعملو بس من فتره ما عملتو

زدى صورتو

الرقاق باللحمه المفرومه 40d8df58c94ec2391abc05f7fda2629f